लाल भाजी एला बनाये के आनी-बानी के तरीका हे फेर आज हमन एला छत्तीसगढ़ी स्टाइल म बनाबो

RJ NEWS- लाल भाजी हर हमर गांव घर के कोला-बारी म बोये जाए वाला सबले सामान्य भाजी आय।

एला कई जगह लाल साग या तंबड़ी भाजी घलौ कइथे।

एमा कई परकार के विटामिन पाए जाथे अउ ए हर अनेक बीमारी मन बर रामबाण असन फायदा करथे।

ए भाजी भाजी ला सलाद के रूप म कच्चा भी खाथें अउ चुरो के घलौ ।

एला बनाये के आनी-बानी के तरीका हे फेर आज हमन एला छत्तीसगढ़ी स्टाइल म बनाबो।

ए साग हर गरम-गरम भात के संग म पोठ मिठाथे।

जिनिस:
लाल भाजी जिनिस
लाल-भाजी
मध्यम आकार के एक ठी भाँटा
1 आलू
1 पताल
2 लाल मिर्चा
4 काली लसुन
तेल-नून
भाजी ल बनाए के तरीका:
लाल भाजीलाल भाजी फोरनलाल भाजी

त सबले पहिली बारी ले सुघ्घर-सुघ्घर भाजी ल टोर-निमार के बने धो लेवा।

धोए के बाद भाजी ल बारीक काट लेवा संगे-संग एक ठी आलू भाँटा अउ पताल ल घलौ धो के काट लेवा।

अब एक ठी कराही म भाजी,आलू,भाँटा अउ पताल ल कर के थोरकुन पानी अउ स्वाद के अनुसार नून डाल के तोप के चुरो देवा।

जब भाजी म उबाल आ जाये त ओला उतार लेवा।

अब फेर एक ठी कराही ल गरम कर के तेल डाल के लाल मिर्चा अउ लसुन के फोरन देके भाजी ल बघार लेवा।

भाजी के झोर के कम होवत ले ओला चूरे दिहा, फेर एहू बात के धियान राखिहा की भाजी ह जादा झन सुखाय।

ए साग हर हल्का झोरहा बनेच मिठाथे।