कोनो छेत्र म जब कोनो फल फूल के पईदावार ह जादा होथे त ओला आघू ब सुखा के धर लेहे जाथे जेकर से आे फर के दिन गए ले भी ओ फर ल खाय जा सके। जईसे कस्मीर म सेव फर के भारी पैदावार होए के कारन ओखर खोईला राखे जाथे जईसे हमर छेत्र म आमा के, भांटा के खोइला राखे जाथे, बोईर फर के सुखरी धरे जाथे, तिवरा भाजी के सुस्का धरे जाथे ठीक वईसने ही तेंदू के फर ल घलो सुखा के राखे जाथे.(cheap price in Haat)
तेंदू ह लीमऊ के अकार के एक ठ फर होथे जेकर गुदा ह, भुरवा, रेसेदार अउ सेवाद ह गुरतुर अउ थोरकन कस्सा कथे।
गरमी दिन म तेंदू मन पाकथें अउ बजार म अब्बड़ सस्ता भाव म बेचाथें.
तेंदू म कई परकार के बिटामिन प्रोटीन भारी मात्रा म पाए जाथे जे हर ए फर के गुन ल बढ़ाथे।
हर मौसम के स्थानीय फल फूल के सेवन हमर स्वास्थ बर बहुत अच्छा माने जाते अऊ एकर संग ही स्थानीय फल-फूल ल बढ़ावा देके हमन अपन पर्यावरण ल लाभ पहुंचा सकत हन, स्थानीय अर्थव्यवस्था ल बढ़ावा दे सकत हन, अऊ अपन संस्कृति ला संजो के राख सकत हन.
तेंदू ह छोटे अकार के गोलवा फर होथे जेकर फोकला अऊ गुदा मन भूरवा अऊ बीजा मन करिया रथे। चीकू असन दिखे बाला ए फर ह गुरतुर कथे। (तेंदू के एक ठ अऊ परकार होथे जेहा सामान्य अकार ले थोकन बड़का रथे)
सेवाद के संग एमा भारी मात्रा म विटामिन घलो पाए जाथे। विटामिन, प्रोटीन, कैल्शियम, आयरन, मैग्नीशियम, पोटैशियम जईसे तत्त्व तेंदू म भारी मात्रा म पाए जाथे। एकर अलावा तेंदू म अबड़ कन औसधीय गुन घलो होथे.(cheap price in Haat)
read also-Tomato Price Rise- महंगाई के कारण लाल हो रहा हैं टमाटर,पताल के भाव छू रहे आसमान
